ក្មេងប្រុសស្រី២នាក់ លង់ទឹកស្រះស្លាប់យ៉ាងអណោចអធម នៅក្រុងកែប
06-June-2016 | ដោយ មែន កំសត់
កំពត៖ កុមារា កុមារី២នាក់ បានលង់ទឹកស្រះស្លាប់ យ៉ាងអាណោចអាធ័ម ត្រូវក្រុមគ្រួសារប្រទះឃើញ នៅម៉ោង៥និង៣០នាទីល្ងាច ថ្ងៃទី៥ ខែមិថុនា ឆ្នាំ២០១៦នេះ ក្នុងស្រះទឹក ស្ថិតក្នុងភូមិកែវក្រសាំង សង្កាត់កែប ក្រុងកែប ខេត្តកែប។
មន្ត្រីនគរបាលក្រុងកែប បានប្រាប់ ថា កុមាររងគ្រោះបានចេញពីផ្ទះ ទៅលេងក្នុងទឹកស្រះខាងលើ តាំងពីម៉ោង៣រសៀល ក្រុមគ្រួសារបាត់យូរ ក៏ដើររកជាមួយប្រជាពលរដ្ឋ ស្រាប់តែប្រទះឃើញកុមាររងគ្រោះទាំង២ បានលង់ទឹកស្លាប់បាត់បង់ជីវិតទៅហើយ នៅម៉ោង៥៖៣០នាទីល្ងាច។
កុមាររងគ្រោះទាំង២មាន ១-ឈ្មោះ ឌី ម៉ាត់ទ្រី ភេទប្រុស អាយុ៩ឆ្នាំ និង ២-ឈ្មោះ ស៊ុន សៀវលី ភេទស្រី អាយុ៨ឆ្នាំ កុមារទាំង២ មានផ្ទះនៅក្បែរគ្នា ក្នុងភូមិសង្កាត់កើតហេតុខាងលើ៕
ចំនួនអ្នកទស្សនា
- ថ្ងៃនេះ2491
- ម្សិលមិញ14181
- សប្តាហ៍នេះ2491
- ខែនេះ117641
- ឆ្នាំនេះ117641
- សរុប20560097